Siyavalwa isitolo sakwa-Edgars eMpangeni
Ngokuchaza kwenkampani eyengamele lesi sitolo, i-Edcon Group, kosuku lomhlaka 30 June, ngeke besakuvuselela ukusebenza kwabo nendawo yase-Sanlam Centre
NGEMUVA kweminyaka engu-25, esinye isitolo sezingubo esidala saseMpangeni, u-Edgars, esise-Sanlam Centre sizovalwa ekupheleni kwalenyanga.
Ngokuchaza kwenkampani eyengamele lesi sitolo, i-Edcon Group, kosuku lomhlaka 30 June, ngeke besakuvuselela ukusebenza kwabo nendawo yase-Sanlam Centre.
‘Ngokuchaza kwalenkampani, ukuvalwa kuka-Edgars kuyingxenye yamasu ethu kusebenza, ahlanganisa ukubuyekezwa kokusebenza kwaleso naleso sitolo ezweni lonke noma kwamanye amazwe.
‘Kube sekuvunyelwana ngokuthi singavuselelwa isivumelwano sokusebenza kwalenkampani, ngakho ke siyavalwa.’
Abakwa-Edcon bathe okwamanhe azikho izinhlelo abanzo zokuvula esinye isitolo sakwa-Edgars, Empangeni.Abakwa-Edcon bathe sebesebenzise imali engango-R350-million, ngokuvuselela kabusha izitolo zabo. Bathe isinqumo sokuvalwa kwezitolo zabo sisukela ohelweni lwabo lokuhlela kabusha njengesitolo.
Abakwa-Edcon abakakwazi ukunikeza ngenye incazelo ethe xaxa ngaloludaba.
OyiMenenja yakwa-Sanlam Centre, u-Julie Ishwar, ukuqinisekisile ukuthi isitolo sakwa-Edgars, ngeke sikuvuselele ukusebenzisana nabo, futhi sizovalwa ngempela ngomhlaka 30 June.
Ukuvezile ukuthi isitolo sakwa-Jet Mart sona sizoqhubeka nokusebenzela endaweni yase-Sanlam Centre futhi sizothuthukisa izinga lokusebenza kwaso, elihlanganisa nezinye izinto zakwa-Edgars Active.
Empangeni loses major chain store
HAVE YOUR SAY
Like our Facebook page and follow us on Twitter.
For news straight to your phone invite us:
WhatsApp – 072 069 4169
Instagram – zululand_observer
